Поликистик өндгөвчний хам шинж ( PCOS )

Олон уйланхайт өндгөвчний хам шинж буюу Polycystic Ovary Syndrome нь эмэгтэйчүүдэд нийтлэг тохиолддог дааврын эмгэг бөгөөд үржил шим ,сарын тэмдэгийн мөчлөг , бодисын солилцоо болон гадаад төрхөнд хүртэл сөргөөр нөлөөлдөг.

Энэхүү дааврын эмгэг үүсээд байгаа нарийн тодорхой шалтгаан байдаггүй ч эрдэмтэд тухайн хүний амьдралын хэв маяг, хоололт, хөдөлгөөний хэмнэл, стрессийн төлөв байдалтай холбох тохиолдол байдаг мөн генетик ч үүнд нөлөөлөх боломжтой гэж үздэг.

Нийтлэг илрэх шинж тэмдэгүүд:

сарын тэмдэгийн мөчлөг алдагдах, сарын тэмдэг тогтмол удаан хугацаагаар ирэхгүй байх, удаашрах эсвэл бзр тасалдах г.м
Андагрень ( эрэгтэйлэг даавар ) илүүдэл – нүүр ,цээж ,гэдэс орчим үс их ургах, батгаших ялангуяа эрүүний доод хүзүү орчмоор мөн нуруугаар тослогжиж батгаших , үсний булцуу нарийсч үс шингэрч эргэж сэргэхгүйгээр унаж халцрах.
Өндгөвчний олон жижиг уйланхай – эхо дүршс оношилгоогоор өндгөвч дээр олон жижиг уйланхай харагдах боломжтой.
Хэвлий орчмоор өөх ихээр хуримтлагдах,жин хасахад хүндрэлтэй болох

Дээрх шинж тэмдэгүүдэтэй хамт явагддаг өөрчлөлтүүд инсулины эсэргүүцэл үүсэх, цусан дахь сахарын тэнцвэр алдагдах, тодорхойгүй шалтгаанаар жин ихээр нэмэх. Үргүйдэлд хүргэх өндөр эрсдэлтэй ( өндгөн эс боловсрохгүй байх ). Хэрвээ удаан хугацаанд эмчлүүлээгүй тохиолдолд зүрх судасны өвчлөл, чихрийн шижин өвчин , умайн салстын өөрчлөлтийн эрсдэл нэмэгддэг.

Хэрхэн эмчлэх вэ?
Мэдээж нарийн мэргэжлийн зөвлөгөөнөөр зохих эмчилгээг хийлгэнэ. Хамгийн гол нь эмчилгээг үр дүнтэй болгох нь амьдралын хэв маягаа эрс өөрчлөх нь чухал юм.

Эрүүл зохистой хоололт, ялангуяа эрүүл уургын хэрэглээг нэмэх
Хөнгөн дасгал хөдөлгөөн, хэт хүнд дасгал тохиромжгүй
Эмчийн зааврын дагуу дааврын эм уух ( зөвхөн нарийн мэргэжлийн эмчийн заавраар )
Цусан дахь сахарын түвшинг зохицуулах
Стресс бууруулах техник эзэмших

Энэхүү дааврын эмгэг нь насан туршийн явцтай байж болох ч зөв амьдралын хэв маягт суралцан, зөв арчилгааг хийн мөн эмчийн зааврын дагуу дааврын эмийг уух нь үр дүнтэй юм.