Сэтгэл санааны тогтворгүй байдал, хоолны дуршил өөрчлөгдөх, унтахад хүндрэлтэй байх, цусан дахь сахарын түвшний хэлбэлзэл нь хүнийг дотоод уур амьсгал алдагдсан мэт мэдрүүлж, бага эрч хүчтэй болгодог. Энэ нь цусан дахь сахарын тогтвортой бус байдалтай холбоотой.
Цусан дахь сахар буюу глюкоз нь бидний эсүүдийг амьд байлгаж, үйл ажиллагаагаа хэвийн явуулахад нь шаардлагатай чухал түлш юм. Энэ нь нэг ёсондоо машин бензин хэрэглэдэгтэй тун адил үйл явц бөгөөд бидний бие тухайн өдрийн үйл ажиллгаагаа хэвийн явуулахад глюкозыг түлш болгон ашигладаг. Амьд явахад зайлшгүй хэрэгтэй шим тэжээл юм.
Бидний өдөр тутмын хоол хүнсний янз, төрлөөс хамааран хэр их сахар хэрэглэж байгаа нь хамаардаг. Тэдгээр сахар нь бие рүү орон гэдэсний ханаар шимэгдэн цусны урсгал руу нэвчин глюкоз болон хувирдаг. Энэ үед нойр булчирхайн нь инсулин хэмээх дааврыг ялгаруулдаг бөгөөд эс рүү дохио өгөн глюкозыг нэвтрүүлдэг эсвэл элэг болон биед өөх болгон хуримтлуулдаг. Яагаад эсэд хангалттай энерги ( глюкоз ) байхад элгэнд эсвэл биед өөх болгон хуримтлуулдаг гэж?
Бидний бие байгалиасаа аливаа гэнэтийн эрсдэлд үргэлж бэлэн байхаар бүтээгдсэн учир хэрвээ өлсгөлөнд нэрвэгдэх, гэнэтийн аюулд орох үед бие элэг, булчин болон биед өөх болгон нөөшилсөн байсан сахарыг хэрэглэж тухайн аюулт байдлаас гардаг. Гэтэл өнөөгийн нийгэмд бид харьцангуй аюулгүй орчинд, хоол хүнсний элбэг байдалд амьдарч байна. Тийм учраас биед илүүдэл сахарыг нөөшлөх хэрэгцээ тийм ч их биш болсон.
Гэтэл булан тойроод сахараар чигжсэн, нөөшлөгч хугацаа уртасгагчтай хүнс энд тэндгүй байгаа нь мөн тэдгээрийн хэтийдсэн хэрэглээ нь одоо үед тахал хэмжээнд хүрээд байгаа ” DIABESITY ” диабисити гэх томьёололыг гаргасан.
DIABETES + OBESITY = DIABESITY , чихрийн шижин таргалалт хоёрын хослол юм. Энэ нь хэвлийн илүүдэл дотоод өөхлөлт нь инсулины эсэргүүцэлийг нэмэгдүүлэн таргалалт үүсгэдэг. Харин таргалалт нь чихрийн шижин үүсгэдэг хам шинж болоод байгаа нь бараг тахал хэмжээнд хүргээд байна.
Тэгвэл зөвхөн сахар ихээр агуулсан хүнс нь л цусан дахь сахарын түвшинг ихэсгээд байдаг юмуу эсвэл өөр шалтгаан байдаг уу гэж бодож байгаа байх. Тиймээ мэдээж сахар агуулсан хүнс ихээр удаан хугацаанд хэрэглэх нь хортой байдаг ч түүнээс өөр маш хүчтэй нэг хүчин зүйл байдаг нь АРХАГ СТРЕСС буюу 7 хоногоос дээш ямар нэг зүйлд давтамжтай санаа зовж түгшснээр цусны даралтыг ихэсгэх мөн цусан дахь сахарыг ихэсгэн удаан хугацаандаа инсулины эсэргүүцэл үүсгэдэг.
Түрүүн дээр хэлсэнчлэн бидний бие махбод үргэлж гэнэтийн аюултай нөхцөлд бэлэн байдаг учраас сахарыг яаралтай үед ашиглахаар элэг, булчинд хадгалах мөн биеийн хэсгүүдэд өөх болгон хадгалж байдаг гэж. Гэтэл хэн нэгэн стресстэй, түгшилт санаа зовнилтой байхад. Жнь: банкы зээл төлөх хугацаа ойртох тусам тухайн хүн түгшиж, санаа зовж, стрессдэж эхэллээ гэж бодьё л доо. Энэ үед тархи бодит эсвэл хийсвэр нөхцөл байдлыг ялгахгүй учир энэ хүн аюулд орсон байна гэж хүлээж аван цусанд стрессийн дааврыг ялгаруулан элгэнд хуримтлагдсан глюкозыг тасралтгүй ялгаруулж эхэлдэг нь стрессээс үүдэлтэй цусан дахь сахарын илүүдлийг тогтвортойгоор үүсгэж байдаг. Тийм учраас удаан хугацааны АРХАГ СТРЕСС нь цусан дахь сахарын тогворгүй байдлыг үүсгэн мөн цусны даралт ихсэхийн томоохон хүчин зүйл болдог.
Цусан дахь сахарын тогтворгүй байдал нь эмэгтэйчүүдийн хувьд дааврын тэнцвэргүй байдлыг үүсгэх маш том шалтгаан болдгоос гадна сэтгэл зүйн тогтворгүй байдлуудыг хүртэл үүсгэн амьдралын зан үйлээс үүдэлтэй олон өвчлөлийн суурь шалтгааны нэг болдог. Тиймээс СТРЕСС-д орсон ч буцаад хэвийн болгох эрүүл дадлыг сурах нь эрүүл урт удаан аз жаргалтай амьдрах гол хүчин зүйл юм.
Стресс бууруулан, цусны эргэлтийг сайжруулан, цусны даралтыг тогтвортой болгох хамгийн хялбар хэзээд хаана ч хийж болох зүйл бол АМЬСГАЛЫН ДАСГАЛ юм. Бүтэн амьсгал аваад гаргах үед бие стрессийн горимоос гаран буцаад тэнцвэртэй байдалдаа орон дотоод автомат үйл ажиллагаа хэвийн явагдаж эхэлдэг. Үүний нэг нь цусан дахь сахарын түвшин тогтворжих юм.
